The Broadcasts

Dylan Thomas – The Broadcasts, golygwyd a chyflwynwyd gan Ralph Maud (Llundain: Dent, 1991)

Roedd Dylan wedi’i hudo â’r radio o oedran ifanc: yn ei arddegau ffurfiodd Gorfforaeth Ddarlledu Warmley gyda’i ffrind, Daniel Jones, a ddarlledodd rhaglenni o ystafell lan llofft yng nghartref Jones. Cyflwynwyd ei ddarllediad BBC cyntaf, ‘Life and the Modern Poet’, ar 21 Ebrill 1937 pan oedd yn 22 oed yn unig.

Yn dilyn hyn gwnaeth Dylan gryn dipyn o waith i’r BBC fel darlledwr proffesiynol, oddeutu 145 o weithiau, rhwng 1943 a 1953.  Amrywiai’r pynciau o atgofion ei blentyndod i drafodaethau ag ysgrifenwyr eraill.

Gweithiodd gydag amrywiaeth o gynhyrchwyr a pherfformwyr, gan gynnwys John Arlott (sydd fwyaf adnabyddus fel sylwebydd criced), Louis Macneice, Aneirin Talfan Davies, Douglas Cleverdon a Roy Campbell. Cadarnhaont oll fod Dylan yn cymryd ei waith yn hynod o ddifrif, a bod llawer o alw am ei ddoniau. Cadarnhaodd Arlott ym 1973 ar raglen y BBC, ‘The Dylan Thomas File’, “Yn ystod yr holl amser a weithiais gydag ef ni wnaeth fy siomi erioed. Y cyfan allaf ei ddweud yw iddo weithio i mi am oddeutu pum mlynedd, a chredaf iddo gyflawni dau draean o’i ddarllediadau i mi. Doedd e byth yn hwyr; doedd e byth yn feddw; ac ni wnaeth waith gwael erioed.”

Dyma’r darllediadau (pob un â chyflwyniad byr gan Ralph Maud) a ailgynhyrchwyd yn y llyfr hwn:

This post is also available in: English