Yn y cyntaf o gyfres o flogiau, mae Katie yn edrych ar fywyd Florence Thomas, mam Nancy a Dylan.<\/p>\n\n\n\n
Ganed Florence Hannah Williams ym 1882, yr ieuengaf o saith o blant. Roedd ei rhieni, George ac Anna, yn hanu o Sir G\u00e2r yn wreiddiol ac roeddent wedi symud i Abertawe lle’r oedd George yn gweithio ar y rheilffordd. Magon nhw eu teulu yn Delhi Street, St Thomas; roedd Florence bedair blynedd ar bymtheg yn iau na’i chwaer hynaf, Ann. Mae Ann \u2013 a briododd Jim Jones ac a symudodd i fferm Fernhill Sir G\u00e2r – yn hysbys i ni drwy ysgrifennu Dylan gan mai hi oedd testun \u2018After the Funeral (In Memory of Ann Jones)\u2019, ac ymddangosodd hefyd yn y stori \u2018The Peaches\u2019. Byddai Florence, pan oedd yn blentyn, yn treulio’i gwyliau yn \u2018Fern Hill\u2019, fel y byddai ei mab yn ddiweddarach.<\/p>\n\n\n\n
Credir bod Florence wedi cwrdd \u00e2 David John Thomas ym 1903 pan oedd hi’n gweithio fel gwniadwraig mewn siop ddillad leol. Dywedodd Paul Ferris yn Dylan Thomas:<\/em> The Biography<\/em>, fod Florence, yn \u00f4l ei fersiwn hi o ddigwyddiadau, wedi cwrdd \u00e2 DJ mewn ffair yn Johnstown, Sir G\u00e2r, a bod DJ wedi gofyn am gyfarfod \u00e2 hi y tu allan i’w man gwaith y dydd Llun canlynol. Fe’u priodwyd ar 30 Rhagfyr 1903 yn Eglwys Gynulleidfaol Stryd y Castell yn Abertawe. Credir yn gyffredinol bod eu penderfyniad brysiog i briodol yn ganlyniad i feichiogrwydd Florence.<\/p>\n\n\n\n Yn \u00f4l Ferris, roedd Florence wedi rhoi genedigaeth rhywbryd ym 1904, er, gan fod y plentyn yn farw-anedig neu wedi marw o fewn diwrnodau o’r enedigaeth, does dim cofnod swyddogol o hyn. Roedd y p\u00e2r ifanc yn byw yn Sgeti ac roedd DJ yn gweithio fel athro Saesneg yn Ysgol Ramadeg Abertawe. Dywedwyd iddynt symud oddi yno oherwydd diffyg prif bibau draenio. Roedd Florence wedi ymgolli yn y canlyniadau iechyd gwael posib ar gyfer plentyn. Erbyn iddi roi genedigaeth i Nancy ym mis Medi 1906, roedden nhw’n byw yng nghanol y dref, yn agos iawn i’r ysgol ramadeg. Gillian Williams oedd y fydwraig a oedd yn bresennol ac roedd hi’n gyfaill da i Florence. Roedd hi’n byw yn St Thomas ac er gwaetha’r ffaith bod y Thomasiaid yn byw mewn dalgylch gwahanol, cynorthwyodd gyda genedigaethau Nancy a Dylan: \u2018being it was Florrie, I stretched the point.\u2019<\/p>\n\n\n\n Ar \u00f4l byw mewn llety rhent am nifer o flynyddoedd, prynodd DJ a Florence rif 5 Cwmdonkin Drive, a oedd newydd ei adeiladu, ym mis Chwefror 1914. Amcangyfrifir iddo gostio \u00a3500, ac roedd y morgais yn enwau’r ddau ohonynt, a oedd yn anarferol ar y pryd. Er y byddai cyflog DJ wedi bod rhwng \u00a3400 a \u00a3500 y flwyddyn, roeddent yn aml mewn trafferthion ariannol. Gwnaeth DJ waith ychwanegol yn addysgu Cymraeg yn y nosweithiau i ychwanegu at eu hincwm, er fel llawer ar y pryd, dewison nhw i beidio ag addysgu’r Gymraeg i’w plant. Mae arwydd eu bod yn gwario mwy nag y gallent ei fforddio; yn \u00f4l Ferris, roedd hyn yn rhannol oherwydd hoffter DJ am lyfrau a whisgi, ond cyfrannwyd at hyn gan yr awydd i ‘ddal i fyny \u00e2’r fwrgeisiaeth’ a defnydd creadigol Florence o’r arian cadw t\u0177. Dywedir y byddai’n talu biliau yn eu tro a byddai’n aml yn cuddio biliau nad oedd wedi’u talu oddi wrth DJ.<\/p>\n\n\n\n Dogfennir yn aml fod Florence yn berson taclus iawn. Cadwyd yr ystafell fyw a’r ystafell wely blaen lan llofft ar gyfer ‘yr achlysuron gorau’ – fel arfer ar gyfer ymwelwyr o Sir G\u00e2r a fyddai’n ymweld \u00e2 nhw. Roedd y gegin a’r parlwr yn ‘eiddo i’ Florence, lle byddai’n difyrru ffrindiau’n aml, a’r stydi oedd hafan DJ.<\/p>\n\n\n\n Ganed Dylan yn yr ystafell wely blaen ar 27 Hydref 1914. Yn \u00f4l y fydwraig Gillian Williams: ‘roedd e’ tua saith pwys – roedd e’n faban hyfryd’. Roedd, fodd bynnag, rywfaint o gynnen ynghylch enw Dylan, a ddeuai o’r Mabinogi, ac a oedd yn enw anghyffredin ar y pryd. O ystyried mai’r ynganiad Cymraeg cyffredin oedd Dylan, roedd Florence yn poeni, gan ddweud wrth Paul Ferris ym 1955, \u2018I didn\u2019t know if we were doing right or if they\u2019d be calling him \u201cdull one\u201d before the end.\u2019 Fel y gwelwn ni yn rhan dau, roedd enw Dylan, a’r ffordd y c\u00e2i ei ynganu, yn un o nifer o bethau y byddai Florence yn poeni amdanynt o ran lles ei mab. <\/p>\n\n\n\n