![\"\"](\"http:\/\/www.dylanthomas.com\/wp-content\/uploads\/2020\/09\/Worms-Head-high-tide-1-1024x613.jpg\")
<\/figure>\n\n\n\nCafodd y profiad hwn ei gynnwys yn ddiweddarach yn ei lyfr o straeon byrion lle-fywgraffiadol sef Portrait of the Artist as a Young Dog<\/em>, a gyhoeddwyd ym mis Ebrill 1940. Yn \u2018Who Do You Wish Was With Us?\u2019 mae Dylan a chyfaill iddo, \u2018A couple of wanderers in wild Wales\u2019, yn gadael y tai taglyd a’r lawntiau toredig ar \u00f4l i ymweld \u00e2 chorff cefngrwm a sarffaidd y mwydyn. Yma teimlai ymdeimlad dwfn o arwahanrwydd, a dywedodd nad oedd y lle hwn yn debyg i unman arall wrth iddynt gyrcydu wrth ben eithaf y penrhyn ymysg esgyrn a phlu, gyda gwylanod yn troi uwchben. \u2019Perhaps there\u2019s a cave with prehistoric drawings\u2019, ystyria Dylan. Yn anochel, nid yw’r ddau’n sylweddoli faint o amser sydd wedi mynd heibio nes i’r haul fachlud a’r oerfel ddechrau eu hamg\u00e1u fel cyrn carw rhewllyd ac maen nhw’n sylweddoli nad oes cysylltiad rhyngddyn nhw \u00e2’r tir mawr.<\/p>\n\n\n\n Maen annhebygol y gwyddai Dylan nad ef oedd y dyn ifanc cyntaf i gael ei swyno gan yr ardal a chael ysbrydoliaeth lenyddol o Ben Pyrod. Ym 1894, daeth w\u0177r y bardd rhamantaidd Robert Southey, (a ddaeth yn Fardd Llawryfog ym 1813 tan ei farwolaeth) i fyw yn Rhosili. Roedd Charles Southey yn un hynod a gariai llawddryll ac roedd hefyd yn dyheu am fod yn fardd. Mae Robert Lucas, yn ei lyfr A Gower Family <\/em>yn dweud sut roedd gan y cymeriad lliwgar hwn ogof ar ben eithaf Pen Pyrod gyda chadair a bwrdd, ac fe ai yno’n aml i ysgrifennu barddoniaeth, gan honni ei fod yn ‘wych mewn tymestl’.<\/p>\n\n\n\n Mae’n ddiddorol nodi bod tebygrwydd rhwng y ddau ddyn ifanc hyn; mewn cyfweliad yn yr Evening Express ar 3 Mai 1899, dywedodd Southey, \u2018Poetry has made me more or less unpractical [sic]. Where you have a certain gift you have very often a great corresponding deficiency.\u2019 Mae’n gredadwy y byddai Dylan (y bu’n ysgrifennu mewn mannau anghyffredin ac anymarferol am y rhan fwyaf o’i fywyd fel oedolyn) wedi cymeradwyo dewis anturus Southey o fan ysgrifennu ar y mwydyn; ar ben hynny roedd y ddau ohonynt yn bendant yn ddiofal ac yn dueddol o gael eu hunain mewn trafferthion. Er ei fod wedi ysgrifennu’r rhan fwyaf o\u2019i waith gorau yno, cyfaddefodd Southey y bu bron iddo foddi ddwywaith oddi ar Ben Pyrod. Wynebodd y ddau ohonynt rymoedd natur wyllt a cholli iddynt, gan ddysgu nad oedd patrymau’r llanwau’n rhywbeth i chwarae \u00e2 nhw ond y dylid eu parchu bob tro.<\/p>\n\n\n\n