Wrth i dymor y gwyliau nes\u00e1u, mae gwestai mawr a\nbach ar draws Prydain yn hynod dawel wrth i berchnogion gydymffurfio \u00e2 rheolau\nllym y llywodraeth i atal Coronafeirws rhag lledaenu.<\/p>\n\n\n\n
Ar 14 Mai, Diwrnod Rhyngwladol Dylan Thomas, byddwn yn dathlu perfformiad cyntaf erioed drama enwog a phoblogaidd Dylan, Under Milk Wood<\/em>, \u00e2 chast llawn ym 1953, ac mae’r argyfwng presennol yn dod ag un o gymeriadau mwyaf difyr a thrasicomig Dylan ar gyfer ei ddrama i leisiau i\u2019r cof: menyw sy’n ffynnu ar absenoldeb lletywyr \u2018sy\u2019n llygru’r lle\u2019. Ni ddylai ddim darfu ar drefn osodedig ei chartref taclus a threfnus, sydd ar ben cyfoethocach y dref: o’i hystafell wely daclus, sgwriedig sy\u2019n herio llwch i’r morthwyl drws \u00e2 gaiff ei drafod \u00e2 menyg croen myn. Allwn ni ddim llai na chwerthin wrth weld Mrs Ogmore-Pritchard yn gwrthod cais am lety gan wyliwr adar am y rheswm y byddai’n dychwelyd bob awr o’r dydd wedi\u2019i orchuddio \u00e2 phlu, ac yn bendant nid yw am gael pobl yn ei hystafelloedd hyfryd, gl\u00e2n yn anadlu dros y cadeiriau ac yn rhoi eu traed ar ei charpedi ac yn tisian dros ei llestri, ac yn cysgu yn ei chynfasau.<\/p>\n\n\n\n Rydym yn synhwyro bod yr ymgeisydd wedi bod yn ffodus i ddianc rhag penydfa feirniadol meddwl y lletywraig hon, y gwnaiff ddefnydd da ohono drwy geryddu ei g\u0175yr meirwon a bod yn deyrn arnynt. Nid oes modd dadlau: ymysg eu gorchmynion niferus mae\u2019n rhaid i Mr Pugh ferwi’r d\u0175r yfed i ladd germau a chwythu ei drwyn yn yr ardd a llosgi’r hances bapur ar \u00f4l ei ddefnyddio; rhaid i Mr Pritchard dynnu llwch oddi ar y cysgodlenni ac yn y parlwr a chwistrellu’r caneri.<\/p>\n\n\n\n Fe’i hystyrir yn ffroenuchel, ac mae hi mor bell \u00e2 phosib, yn gymdeithasol ac yn ddaearyddol, o\u2019r \u2018werin\u2019. Nid cyd-ddigwyddiad felly yw bod y cymeriadau mwyaf anniben, Mr a Mrs Cherry, preswylwyr Stryd Donkey, yn byw mewn un ystafell gwbl anhrefnus sy’n ystafell wely, yn barlwr, yn gegin ac yn gegin gefn, lawr ar ben mwyaf \u2018comon\u2019 y dref ger yr harbwr.<\/p>\n\n\n\n Gyda’r nos, mae golwg drist ac oeraidd ar Mrs Ogmore-Pritchard wrth i ni ei gweld yn cynnal ei threfn hynod ddisgybledig:\u00a0 mae’n tynnu\u2019r cysgodlenni sy’n rhydd rhag germau… yn eistedd ar gadair gefnuchel hylan ac yn cymell ei hun i gwsg oer a chyflym, heb wybod bod ei g\u0175yr marw\u2019n cynllwynio\u2019i \u2018dinistr digariad\u2019. <\/p>\n\n\n\n
Mrs Ogmore-Pritchard, menyw y\u2019i gwnaed yn weddw ddwywaith, yw perchennog Bay View, sef gwesty bach yn nhref fach Llareggub yng Nghymru, ond yr unig \u2018letywyr\u2019 y mae’n caniat\u00e1u iddynt aros yno yw ysbrydion ei g\u0175yr ymadawedig, Mr Ogmore a Mr Pritchard, sydd wedi’u carcharu dan unbennaeth burdanaidd eu gweddw – menyw ag obsesiwn ofnadwy \u00e2 glendid a thaclusrwydd, a chanddi\u2019r hyfdra i fynnu bod yr haul yn sychu\u2019i sgidiau cyn iddynt ei adael drwy\u2019r drws. <\/p>\n\n\n\n